கற்றாழை பருப்புப் பயாசம் எப்படிச் செய்வது? ( How to make aloe vera)

தேவையான பொருட்கள்

பாசிப் பருப்பு - அரை கப்
துருவிய வெல்லம் - 1 கப்
காய்ச்சிய பால் - ஒன்றரை கப்
கற்றாழை - ஒரு மடல்
முந்திரி, பாதாம் - தலா 6 (நறுக்கியது)
ஏலக்காய்ப் பொடி - 1 சிட்டிகை
நெய் - 1 டீஸ்பூன்

செய்முறை

• கற்றாழையைத் தோல் சீவி பல முறை அலசி, பொடியாக நறுக்கிக்கொள்ளுங்கள். பாதாம், முந்திரியை நெய்யில் வறுத்துக்கொள்ளுங்கள்.
• பாசிப் பருப்பை வறுத்து, குக்கரில் குழைய வேகவைத்து, மசித்துக்கொள்ளுங்கள். அதனுடன் காய்ச்சிய பாலைச் சேர்த்து கொதிக்கவிடுங்கள். பிறகு அதனுடன் வெல்லத்தைச் சேர்த்து, வெல்லம் கரைந்ததும் கற்றாழையைச் சேர்த்து சிறிது நேரம் கொதிக்கவிடுங்கள்.
• பாதாம், முந்திரி சேர்த்து இறக்கினால் சுவையான கற்றாழை பருப்புப் பயாசம் தயார்