வெனிலா ஐஸ்கிரீம் செய்யும் முறை

தேவையான பொருட்கள்:

கட்டிப்பால் - 1/4 கப்
பால்மாவு - 1/2 கப்
தண்ணீர் - 3/4 கப்
வனிலா எஸன்ஸ் - 1/4 தேக்கரண்டி


செய்முறை:

மேலே குறிப்பிட்டுள்ள தேவையானப் பொருட்களை கொடுத்துள்ள அளவுகளில் எடுத்துக் கொள்ளவும்.

கட்டிப்பாலினுள் 1/4 கப் தண்ணீர் விட்டு, வனிலா எஸன்ஸ் சேர்த்து நன்றாக கரைத்துக் கொள்ளவும்.

பால்மாவை மீதி 1/2 கப் தண்ணீரில் கட்டி இலாமல் கரைக்கவும். இரண்டையும் தனித்தனியே ஃபிரீஸரினுள் 1/2 மணி நேரம் வைத்து எடுக்கவும்.

ஒரு பெரிய பாத்திரத்தில் குளிர் தண்ணீர் நிரப்பி அதனுள் பால்மாவு கரைசல் பாத்திரத்தை வைத்து, பீட்டரால் அல்லது கரண்டியால் நன்கு பொங்க பொங்க அடிக்கவும்.

பின்னர் இதை கட்டிப்பால் கரைசலினுள் சேர்த்து மெதுவாக கலக்கவும். அடிக்க வேண்டாம்.                                     
பின்னர் ஒரு தட்டையான பாத்திரத்தில் கலவையை ஊற்றி ஃபிரீஸரில் ஒன்று அல்லது ஒன்றரை மணி நேரம் வைத்து எடுக்கவும்.

மீண்டும் பீட்டரால் அல்லது கரண்டியால் பொங்க பொங்க அடிக்கவும். அதனை மீண்டும் ஃபிரீஸரில் வைத்து இறுகவிடவும்.

நன்கு இறுகி ஐஸ்கிரீம் கெட்டியானவுடன் வெளியில் எடுத்து விருப்பமான நட்ஸ் தூவி, சாக்லேட் கிரீம் ஊற்றி பரிமாறலாம். இப்போது சுவையான வெனிலா ஐஸ்கிரீம் தயார்.